SAGONE

U situ archeulogicu medievale di sant’Appianu face parte d’un prugramma di ricerche archeologiche fatte dipoi u 2006 da u Laboratoriu d’Archeulugia Medievale è Muderna in lu Miditarraniu. I scientifichi è a cumuna di Vicu, prupietaria di u situ, si sò impegnati ind’un prugettu di valurisazione di e vistiche arrigistrate à nant’à u listinu supplementariu di i Munimenti Storichi.
U prugettu prumove una suluzione nova da prisintà à u publicu tutte e vistiche chì raprisintanu più cà bè a storia non solu di a Corsica ma di a parte settentriunale di u Miditarraniu.