A SOCCIA

U paese di a Soccia cullucatu à 750 metri d’altitudine ci offre oppurtunità tremende di spassighjate (lavu à Crena, GR20, Mare è monti). A ghjesgia, induv’ellu si scopre una pittura di a Vergine à a Chjirasgia, hè dedicata à Santa Maria delle Grazie dipoi u seculu XVIII.
A Soccia…Paese di a musica, di u ballu è di u cantu. Sunatori di viulinu, di mandulina, ghitarristi sunavanu, ballavanu, cantavanu è campavanu in u paese è in tuttu u rughjone aldilà di e so cunfine.
U prufessore di ballu di a Soccia (prufessore di ballu di « L’Empire »….) era famosu in Corsica sana.
Era ? Cantavanu ?… Perchè à u imparfettu ? Ancu di grazia e generazione d’avà suvetanu u listessu filu. È s’elli ùn sò cusì numarosi, elli cantanu, sonanu, è ballanu. Ci incantanu sempre è participeghjanu à u cuncertu universale  di i populi di u mondu.